06/07/2013 15:28:56

Auditim, modeli sllovak për vendin: doganat në menaxhim të huaj

''Kemi marrë përsipër dhe mund ta çojmë përpara projektin e dhimbshëm nga pikëpamje politike dhe elektorale, të pavarësimit të INSTAT-it duke e binjakëzuar me një institucion të një vendi të BE-së''

TIRANE - Kryeministri i ardhshem i vendit Edi Rama ka nje vizion te qarte per ate çfare do te beje ne Shtator. "Dua që ne të bëjmë një auditim të Shqipërisë...një model i cili është ndjekur nga të tjerë përpara, rasti më i freskët, qeveria sllovake e kryeministit Fiço përpara se sa të merrte përsipër gjërat, kërkoi auditimin e Sllovakisë. Një auditim i Shqipërisë i pavarur, jo nga ne, është i domosdoshëm për të nxjerrë në pah të vërtetat mbi ekonom-inë, financat, mbi shumë çka tjetër dhe për të ndarë me njerëzit pamjet reale të vendit", tha ai gjate nje interviste. Rama tha se, "...kemi marrë përsipër dhe mund ta çojmë përpara projektin e dhimbshëm nga pikëpamje politike dhe elektorale, të pavarësimit të INSTAT-it duke e binjakëzuar me një institucion të një vendi të BE-së që e merr në menaxhim në bazë të një program që ka BE për një numër vitesh dhe e bën të pamundur ndërhyrjen e qeverisë për të rregulluar shifrat e papunësisë, korrupsionit etj. Po ashtu, duam që doganat e Shqipërisë t’i japim në menaxhim të një kompanie dhe të një agjencie ndërkombëtare", tha ai.

HermesNews - ©2013

Dërgo me email | Stampo artikullin